Hljóðóþol er röskun sem einkennist af óþoli og í kjölfarið sjúklegum viðbrögðum gagnvart hljóðum sem eru algeng í umhverfinu og sem venjulega valda engum sérstökum viðbrögðum hjá flestu fólki.

Líkt og á við um aðrar sálfræðilegar raskanir þá flokkast hún sem slík ef hún hefur marktæk áhrif á líf þolandans, hefur mögulega áhrif á félagslegar athafnir og atvinnu eða veldur huglægri þjáningu.

Þetta kemur í veg fyrir að hugtakið sé notað yfir vægt óþol sem er til staðar hjá okkur flestum eða til dæmis um ástand sem er takmarkað í tíma og við tilteknar aðstæður.

Að sjálfsögðu er það eðlilegt að vera reiður ef að viðvörunarkerfi nágrannans fer í gang af ástæðulausu þrjú kvöld í röð.

Jafn skiljanleg eru viðbrögð starfsmanns í símaveri þegar síminn hringir heima hjá honum um leið og hann stígur inn fyrir dyrnar eftir átta stunda vinnudag.